Diez mipukan sa mga bantugang riders

Gipukan ni Joseph Diez ang mga bantugang bmx riders aron paghari sa premiere senior division sa 3rd Big Al's Bikefest 2006 diha sa bakanteng luna sa Cebu Grand Hotel.

Naangkon ni Diez ang supercross competition title pinaagi sa pagpukan ni Hombre Gabini.

Si Junrell Ceniza mipahiluna sa ikatulong dapit, samtang si Arthur Lopez maoy ikaupat ug ilang beteranong rider nga si Noel Legaspina maoy mipatong sa ikalima nga dapit.

Sa junior division, si Erwin Suson maoy miguwang mananaog dihang iyang gilupig si Jarey Ceniza sa final round.

Si John Eric Villegas maoy miangkon sa ikatulong dapit, samtang si Elmer Bontilao sa ikaupat ug si James Noval maoy miangkon sa ikalima nga dapit.

Nanghawod sa novice division mao si Mario Basinillo human niya gipilde si Noel Lopez, gisundan kini ni Rizaldy Sanchez alang sa ikatulong dapit, Dennis Cuizon sa ikaupat ug Luiz Miñoza Jr., kinsa maoy miangkon sa ikalimang dapit.