Cossack Vodka sa team title

 TAGAYTAY -- Binanderahan ni skipper Renato Sambrano ang final lap kahapon at isiguro sa Cossack Vodka ang team title ng Tour Pilipinas Tanduay Padyak Pinoy 2006.

Pumasok ang Philippine team member na ikalima sa maparusang 147.4-kilometer na nagmula at pabalik dito sa kabuuang 118 oras, 35 minuto at 46.202 segundo matapos ang pitong yugto sa kulang-kulang na 1,100 kilometers.’

Ito ay nagkakahalaga ng P500,000 para sa team mem-bers, na nagrally mula sa 7th place matapos ang opening stage noong nakaraang Biyernes.

"Nagtulungan talaga yung mga riders ko at deserving silang tawaging kampeon," masayang wika ni Renato Dolosa, ang Tour 1992 at 1995 individual champion at Cossack coach.

Pumangalawa naman ang Elixir Sports na may 10 minuto at 48.533 segundo na agwat para sa P400,000 runner-up. Ikatlo ang Air2,131:42.494 para sa P300,000.