Toledo mipukan sa Mantawi

Ang Cebu Landmaster-Toledo City milampurnas sa Mantawi Traders, 76-62, sa Game 1 sa ilang best-of-three Visayas Division semifinal series sa ML Kwarta Padala Mindanao Visayas Basketball Association (MVBA) First Conference sa miaging gabii didto sa Marcelo A. Barba Sports Complex sa dakbayan sa Toledo.

Ang Landmasters ni coach Jun Tan nanginahanglan na lang og usa ka daog aron hingpit kining mosulod sa division finals, apan kinahanglan nga mangandam sila sa usa ka dakung gubat kay seguradong buhaton sa Mantawi ni coach Eddie Ybañez ang tanan kutob sa ilang mahimo aron makabawos sa ilang pag-host sa Game 2 karong alas 5:30 sa hapon diha sa Mandaue City Cultural and Sports Complex.