SMC-SAC Awards karong Mayo 20

Sa labing unang higayon sa kasaysayan sa All-Cebu Sports Awards, ang Sportswriters Association of Cebu ug San Miguel Corporation motunol sa "Athlete of the Year" ngadto sa grupo sa mga indibidwal nga nakahatag og dungog sa nasud sa natad sa paugnat sa kusog sa miaging tuig.

Kini gumikan kay ang mga Sugbuanong atleta nga mikabkab og bulawang medalya sa 23 Southeast Asian (SEA) Games dinhi sa Pilipinas sa miaging tuig mao man ang koronahang "Athletes of the Year" sa 24th SAC-SMC All-Cebu Sports Award karong Mayo 22 sa alas 11:00 sa buntag diha sa Raja Park Hotel (kanhi Park Place Hotel).

Apil sa modawat sa maong pasidungog mao sila si Marniel Dimla (pencak silat), Baby Marites Bitbit (mountainbike), Kevin Kong ug Andrea Marie Rafañan (diving), Julius Nierras (athletics), Cresencio Vidal Jr. (sportsclimbing) Ruel Empacis (baseball) ug Michael Mendoza (dancesport).

Uban nila mao ang champion softballers nga sila si Manuel Bacarisas, Darius Bacarisas, Jasper Cabrera, Ben Maravilles, Roger Roxas, ug Florante Acuña.

Si kanhi Cebu City Sports Commission chairman Jonathan Guardo maoy tunolan sa pasidungog isip "Sportsman of the Year." Gawas sa iyang pagsuporta ug kontribusyon pagpalambo sa paugnat sa kusog dinhi sa Sugbu, siya sab ang utok sa malampusong pagpadagan sa pipila ka events sa SEAG dinhi sa Sugbu.

Ang Hapon nga si Harou Iwanaga maoy modawat sa "Presidential Award" gumikan sa way puas niyang suporta sa football, samtang ang sikat nga web developer nga si Dong Secuya maoy mobitbit unya sa "ORLACSAN Memorial Award" gumikan sa pagtabang niya sa mga Pinoy'ng boksidor sa kaugalingon niyang pamaagi.

Kini mao ang pagtukod ni Secuya sa mannypacquiao.pg ug philboxing.com nga nakapadugang sa kasikat sa mga Pinoy'ng boksidor sa tibuok kalibutan. Ang duha ka mga boxing websites kanunay nga gisunod sa mga mahiligon og boksing dinhi ug gawas sa nasud.

Usa sa mga highlight sa maong programa mao ang paghatag og "Post Humous" ngadto ni anhing Atty. Manuel "Manny" Oyson Jr, usa ka tinahod nga kolumnista ug institusyon sa kalibutan sa sportswriting dinhi sa Sugbu.

Sa laing bahin, ang hatagan og major awards mao sila si Clifford Bonjoc ug Irin Banluran (athletics), Marites Natad ug Florian Gutierrez (beach volleyball), Dearlie Gerodias ug Erole Melencio (dancesport), Noel Espinosa (karatedo), Jacob Lagman ug Sally Mae Siso (lawn tennis), Niño Surban (mountainbike), John Eleazar Adlawan (motocross), Arnold Balais (paralympics), Metodio Suico ug Harrison Castañares (sepak takraw), Lhoriz Echavez ug Dianne Cañeda (swimming) ug Reynante Briones (weightlifting).

Tunolan og mga special citation mao sila si Alta Vista's Carl Almario, Ramontito Garcia, Edito Tirol ug Joseph Stevens (golf), Noel Gonzales (paralympics), Gloria Belandres (table tennis), Reynante de la Cerna (scrabble), Judith Sulla (weightlifting), Bernardine "Niño" Siso ug John Francis Largo (lawn tennis), Dancesport-Team Cebu City, Michael Motel, Emmanuel Motel, Glendo Nayre, Jay Irebert Impuesto ug ang University of the Visayas High School ug College Scrabble Teams.