Lancers disgrasya sa Webmasters

Si Allen Abellanosa milansang og buzzer-beating triple sa nahibilin nga singko segundos sa duwa aron pagduso sa University of Cebu Webmasters ngadto sa makapakurat nga 63-62 nga kadaugan batok sa five-time CESAFI champion UV Green Lancers sa ilang exhibition match sa miaging gabii didto sa San Fernando Sports Complex sa lungsod sa San Fernando.

Si Abellanosa mitapos og 32 puntos ug iyang gikompleto ang iyang pagka mabayanihon pinaagi sa paglansang sa maong 3-point shot nga maoy nakabugha sa dughan sa UV Lancers.

Si Jonathan Canceran mitampo og 15 puntos.

Ang UC maoy bugtong team nga nibuntog sa UV sa lima ka tuig nga kasaysayan sa CESAFI.

Ang 6'7" nga si Rino Berami maoy nangulo sa Lancers sa pagtali niini og 21 puntos, samtang si Morsie Akad midugang og 20 puntos.

Sila si Jaymar Tacaldo, Vergel Abelong ug Gaylord Santos mikulit og 10 puntos matag usa alang sa Lancers