Kapin 100 sakong CD's gisakmit

Kapin usa ka gatos ka sakong mga pirated VCD, DVD ug CD's ang nasakmit sa mga sakop sa Optical Media Board (OMB), Music and Television Regulatory Classifications Board (MTRCB) Regional Mobile Group ug kapolisan sa Carbon niadtong Biyernes sa gabii diha sa Travelers Lodge sa Carbon Market.

Ang grupo pinanguluhan nila ni OMB ug MTRCB chairman Eduardo 'Edu' Manzano, Cebu Customs Collector Maria Lourdes Mangaoang, Captain Romulo Monasterio ug Insp. Rene Kyamko ug Supt. Eliseo Castronuevo.

Ang maong dapit maoy gihulagway sa mga kadagkuan sa kapolisan nga main supplier sa mga gipiratang mga VCD, DVD ug CD's dinhi sa lalawigan sa Sugbu, apan wala magtuong dinhi ra gikopya ang maong mga kontrabando.

Sa usa sa mga stall nga gipanag-iya sa usa ka Andy Abdul diha sa maong edipisyo nakakuha ang mga awtoridad og 37 ka sakong piratang mga CD, dunay 26 ka sako usab gikan sa usa ka Abdul Mama ug laing 20 ka sako ug duha ka carton nga CD gikan sa usa nga naila lang nga vendor nga "Madz."

Samtang ang 49 ka sako usab ang giabandonang sa mga tag-iya niini sa kahadlok nga dakpon sa mga mironda polis.

Sagad sa mga gibaligya mao ang mga pelikulang ang uban wala pa masalida dinhi sa Pilipinas samtang ang uban mga malaw-ay'ng mga lilas nga gi-display diha sa publikong dapit.