Tampok na laro ang sagupaan ng Toyota Sparks at Elasto Painter sa alas-4:00 ng hapon pagkatapos ng sagupaan ng Harbour Centre at Hapee-PCU sa alas-2:00.
Tabla sa 7-3 record ang Toyota at Harbour Centre sa likod ng nangungunang Montaña Panwshop na may 7-2 record.
Bagamat tinalo ng Elasto Painters ang Sparks sa first round, 73-67, hindi magpapabaya si coach Leo Austria laban sa Sparks dahil dumaan sila sa butas ng karayom bago igupo ang tropa ni coach Louie Alas.
"Every game is important for us, if we can beat Rain Or Shine that will be a good indication for the team," sabi ni Alas. "Rain Or Shine is a tough team but we will do everything to beat them."
Ang Port Masters ay nag-iingat ng 4-6 record habang ang Teethmasters ay bumagsak sa 7th place na may 3-7 card.
Ang Port Masters ay galing sa back-to-back win, ang huli ay laban sa Elasto Painters noong Linggo ngunit delikado sila sa Teethmasters dahil determinado itong makabangon mula sa apat na sunod na kabiguan.
Bukod pa rito ay lalaro ang Harbour Centre na wala ang top gunner na si Joseph Yeo na magsisilbi ng kanyang one-game suspension dahil sa kanyang unsportmanlike foul laban kay Gilbert Malabanan noong Huwebes.(CVOchoa)