Kumpleto na ang cast ng Petron Beach Volleyball

Magkakaroon ng bagong beach volley queens sa second leg ng 2006 Petron Ladies Beach volleyball tournament na gaganapin sa May 5-6 sa Manila Baywalk.

Wala pang nag-tsa-champion sa 20-women, 10-team roster kaya naman inaasahang magiging mahigpit ang labanan at posibleng makadiskubre ng mga bagong talento para sa naturang sport.

"This is the very essence of  this tournament, to discover new talents that could carry on the torch in the future so that there will be a continuous turn-over of beach volleyball talents, whom fans of the sport can look up to," pahayag ng organizer na si Tisha Abundo, dating Commissioner ng Philippine Sports Commission (PSC).

Ang two-day beach volley event na ito na suportado ng Petron, Asian College of Science at Technology (ACSAT), Speedo (official outfitter), Mikasa (official ball) and Action at Fitness Magazine, ay ang ikalawa sa four-leg annual series na kinatatampukan ng mga naggagandahang beach volley babes.

Sa pakikipagtulungan ng Manila Sports Council (MASCO) sa ilalim ni Chairman Arnold "Ali" Atienza, nasa ikaapat na taon na ang tournament na isa sa pinakaaabangang beach volleyball tournaments ngayon.

Kabilang sa 20-women roster sina Ross Margaret Remulla, Roxanne Belardo, Maria Lea Bariuad, Tadel Carinan, Renelyn Perez, Roseane Rivero, Sheena Teves, Venus Benecio, Charize de Castro, Lorna dela Cruz, Kathy Sotejo, Kristia Ricana, Melissa Legaspi, Daisy Jaen, Cindy Velasquez, Thelmarie Barina, Roseane Baroga, Carla Santos, Jesica Ticala at Sherie Garcia.

Ang champion team ay tatanggap ng P10,000, trophy at goodies mula sa Speedo habang ang runner ay may P5,000.

Ang lahat ng winners at runners-up ay titipunin sa pagtatapos ng season para sa Battle of the Champions.