Gipukan ni Sevilleno sa University of Cebu (UC) ang iyang higpit nga karibal nga sila si Leizsl Lumindas-Getaruelas ug Merlita Arias alang sa women's open title.
Nahimutang sa ikaduhang dapit mao si Lumindas ug gisundan kini ni Arias alang sa ikatulo nga dapit.
Sa laing bahin, si Mendel Lopez sa University of Southern Philippines-Foundation nagasugat og liniog nga gubat hangtod sa pagkatapos batok ni Gilbert Luterte sa University of San Jose-Recoletos (USJ-R) sa wala pa niya mailog ang titulo.
Si Riez Enriquez sa USPF maoy nipahiluna sa ikatulong dapit, samtang si Roland Montebon sa UC maoy nakakuha sa ikaupat ug si Virgio Belecario Jr. maoy nitungtong sa ikalima.
Gawas sa open division, adunay gipahigayon nga special race nga kabahin sa organizing body diin si Cris Lapez maoy nidaog sa kinatas-ang dapit sa men's division, samtang sa pikas bahin, si Rosalie Naturales mao usab ang nanghawod sa maong kompetisyon.
Si Cebu City vice mayor Michael Rama maoy nitunol sa mga mananaog ning Tabang Sugbo Foundation co-organized event.
Ang maong run for a cause gisuportahan usab sa Mactan Rock Industries, Inc. RB Car Trade, Metro Sports Center-Lahug, Nature's Spring Water, Cebu Channel 28, Ace Penzionne, RCTV ug Days Hotel.