Umaatikabong bakbakan ng Red Bull at Ginebra

Asahang magiging matensiyon ang tampok na laban ngayon sa pagi-tan ng crowd favorite at defending champion Ba-rangay Ginebra at ng bigating Red Bull sa pag-papatuloy ng Gran Mata-dor Brandy PBA Philip-pine Cup sa Araneta Coliseum.

Mayroon nang history ang dalawang koponang ito sa girian ng kani-kani-lang mga fans at inaasa-hang muling mabubuhay ang kanilang namuong rivalry sa alas-7:35 ng gabing sagupaan.

Hangad ng Gin Kings na paigtingin ang kanilang kampanya sa pagta-tanggol ng titulo laban sa Red Bull na nais namang buhayin ang kanilang kampanya matapos ma-sadlak sa apat na sunod na kabiguan.

Dahil dito, inaasahang magiging mainit ang laba-nan ng dalawang kopo-nang ito lalo pa’t nasa kani-kanilang likuran ang mga masusugid na fans na minsan nang nagka-rambulan.

Magsisilbing pampa-gana sa laban ng Ginebra at Red Bull ang sagupaan ng Sta. Lucia at Talk N Text sa alas-4:40 ng hapon.

Magkasalo sa 4-4 record ang Phone Pals at ang Gin Kings sa likuran ng league leader na San Miguel Beer na may matayog na 8-2 karta tampok ang kanilang six-game winning streak kasunod ang Purefoods Chunkee at ng Coca-Cola na parehong may 6-3 kartada.

Binaon ng Gin Kings ang alaala ng kanilang ikalawang sunod na pag-katalo laban sa SMBeer sa 94-103 noong Abril 9 sa Holy Week Break at hangad nila itong ibaon sa limot sa tulong nina Eric Menk, Romel Adducul, Mark Caguioa at Jayjay Helterbrand.

Bagamat pinapabo-rang manalo ang Phone Pals sa kanilang laro kontra sa Realtors, kaila-ngan nilang mag-ingat sa Sta. Lucia na hangad maibangon ang kulelat na 2-6 win-loss slate. (CVO)