Bautista, inihatid ang Toyota sa panalo

Ikinamada ng 5-foot-8 na si Boyet Bautista ang game-winning lay-up sa huling 7.1 segundo ng labanan upang ihatid ang Toyota-Otis sa makapigil hiningang 68-67 panalo kontra sa Granny Goose sa pagpapatuloy ng 2006 PBL Unity Cup na muling dumako sa Olivarez College Sports Center sa Parañaque kahapon.

Nasolo ng Toyota Sparks ang ikalawang posisyon matapos ilista ang ikalimang panalo sa pitong laro sa likod ng na-ngungu-nang Montaña Pawnshop na may 5-1 kartada habang naiwan ang dati nilang kasosyong Rain or Shine sa 4-2 record.

Tumapos si Bautista ng 13-puntos kabilang ang 3-of-5 three-point shooting bukod pa sa tatlong rebounds at isang assist sa likod ng 15-puntos ni Joe De-vance upang ipalasap sa Granny Goose ang kani-lang ikaapat na talo sa pitong laro.

Hawak pa ng Tortillos ang 67-66 bentahe papa-sok sa huling 37.9 se-gundo ng labanan mata-pos ang dalawang free-throws ni Alfie Grijaldo at three-point play ni Jireh Ibañes kay Aaron Aban ngunit hindi nila napigilan ang panlamang na basket ni Bautista.

Walang nangyari sa huling posesyon ng Granny Goose matapos magmintis sina Grijaldo at Kelvin Dela Peña.

Sa unang laro, lalo na-mang ibinaon ng Hapee-Philippine Christian Uni-versity ang bagitong TeleTech sa pangu-ngulelat matapos ang 68-63 pamamayani.

Sumandal kina Jason Castro at Mark Moreno ang Hapee-PCU na kumawala sa ikatlong quarter bago pigilan ang banta ng Titans sa end-game tungo sa kanilang ikatlong panalo sa pitong laro sa pagtatapos ng kanilang first round campaign sa eliminations.

Kinamada ni Castro ang 11 sa kanyang tina-pos na 19-puntos sa fourth quarter upang pigilan ang oposisyon ng TeleTech na lumasap ng kanilang ikalimang talo matapos ang anim na laro.