Raptors napukan sa Miami

Si Shaquille O'Neal sa Miami Heat mirehistro sa iyang ikaduhang career triple-double ug mao usab ang hinungdan nga napukan ang Toronto Raptors, 106-97 kagahapon sa National Basketball Association.

Si O'Neal miposte og 15 puntos, 11 ka rebounds ug 10 ka assists sulod sa 28 minutos niyang pagduwa. Gisuportahan usab siya ni Antoine Walker, kinsa mitali og season-high nga 32 puntos nga igo na kaayong ikatapak ni Dwyane Wade.

Si Wade wala kaayo makapakita og aksiyon tungod sa dili maayong kondisyon sa panglawas.

Sa maong kadaugan, ang Heat misakmit sa ikaduhang luna sa Eastern Conference ug ilang gitagak ang New Jersey Nets nga napilde sa Chicago Bulls, 104-101.

Si O'Neal mitali sa labing unang triple-double niadtong Nobiyembre 20, 1993 dihang mihipos kini og 24 puntos, 28 ka rebounds ug 15 ka blockshots alang sa kadaugan sa Orlando Magic batok sa New Jersey Nets.

Sa laing bahin, ang Los Angeles Lakers miabante na usab og usa ka duwa sa ilang lumba alang sa ikawalong dapit sa Western Conference batok sa Sacramento Kings.

Kini human nila lumsi ang Golden State Warriors, 111-100.

Nangulo sa kalampusan sa Lakers mao si Kobe Bryant