Pacquiao sugod na'g ensayo

Magsugod na sa iyang pag-ensayo si Manny Pacquiao alang sa umaabot niyang away batok sa Meksikanong si Oscar Larios karong Mayo 8 ubos sa iyang American trainer nga si Freddie Roach didto sa Wild Card Gym sa Hollywood, California.

Si Pacquiao gikatakda nga manalipod sa iyang World Boxing Council (WBC) International super featherweight title sa maong eksplosibong promosyon nga gipasiugdahan sa ABS-CBN karong Hulyo 2 didto sa Araneta Coliseum.

"He'll begin training on May 8 for Larios," matud pa sa Amerikanong manedyir ni Pacquiao nga si Shelly Finkel.

Si Pacquiao magbansay-bansay didto sa Amerika sud sa usa ka bulan ug mobalik siya sa Pilipinas sa Hunyo alang sa ikaduhang hunat sa iyang preparasyon didto sa kabukiran sa dakbayan sa Baguio.

Sa iyang bahin, si Larios gikatakda nga mo-anhi sa Pilipinas kauban ang iyang manedyer nga si Rafael Mendoza karong Abril 27 aron i-promote ang giatngan nilang kumbati ni Pacquiao nga ulohan og "Mano-Mano, Pacquiao versus Larios, Pilipinas Contra Mexico."

Human ni Larios, atubangon ni Pacquiao ang ikatulo niining bugno batok sa Meksikanong si Erik Morales sa nanghinapos nga bahin sa Oktubre o sa ikaduhang semana sa Nobiyembre.

Apan nagkanayon si Finel nga hanap pas diyes panas nga madayon ang away kun mo-insister si Morales nga pagahimuon ang away nga sobra sa 130 ka libras ang timbang.