Runners gidapit pagsalmot sa Easter Family Fun Run

Gidapit sa Cebu Adventure's Club ang tanang mahiligon og dagan sa pagsalmot sa ilang Easter Family Fun Run karong Domingo diha sa Plaza Independencia.

Ang maong dagan nga gihimo sa kooperasyon sa Tabang Sugbo Foundation adunay lima ka kilometro nga dagan.

Gikan sa plaza, ang mga partisipante moagi sa MJ Cuenco Avenue ug mopadayon paingon sa White Gold sa dili pa mobalik sa Plaza Independencia.

Ang entry fee nagkantidad og P100 matag partisipante.

Ang maong kalihukan gisuportahan usab sa Mactan Rock Industries, Inc., RB Car Trade, Metro Sports Center-Lahug, Nature's Spring Water, Cebu Channel 28, Ace Penzionne, RCTV ug Days Hotel.