MABUHAY ANG MANILA YOUTH GAMES NI ALI ATIENZA!

Nais lang naming batiin si Ali Atienza, ang sports czar ng Manila, dahil na rin sa malaking tagumpay ng Manila Youth Games na nagbukas a few days ago.

Naging bisita ni Ali si First Gentleman Mike Arroyo at si Manila Mayor Lito Atienza.

Para makita natin ang 10,000 kabataan sa isang single competition such as the MYG ay isang malaking indikasyon ng tagumpay nito.

At least ngayong summer at habang bakasyon ay may pinagkakaabalahan ang libu-libong kabataan na ito through sports.

Masaya na rin si Ali Atienza dahil sa magandang turnout ng games.

"We’ve been doing this for years now, and I am happy that we have seen results. I hope that winning in these games will not be the end for them. Instead, sana’y maging umpisa lang ito ng marami pa nilang magagawa sa sports. Sana nga ay marami kaming madiscover na potential sports heroes sa mga batang naglalaro sa Manila Youth Games, " sabi ni Ali.

* * *

Laging puno ngayon ng mga tao ang San Andres Gym at ang Rizal Memorial Sports Complex dahil dyan ginagawa ang mga laro sa Manila Youth Games.

Matutuwa ka sa mga batang naglalaro ng tennis, swimming, volleyball, basketball at halos lahat na yata ng sports.

Matutuwa ka na makita mo ang mga kabataan na focused na focused sa competition na sinalihan nila, at lahat eh mistulang magkakaibigan at magkaka-barkada.

We hope na yung ibang malalaking cities will follow this dahil yan talaga ang kailangan ng mga kabataan natin--ang ma-involve pa silang lalo sa sports nang malayo sila sa masasamang bisyo tulad ng droga.

Kudos to Ali Atienza at sa lahat ng organizers ng Manila Youth Games!

You all have been doing an excellent and wonderful job!

* * *

Sa April 21 na raw lalabas ang desisyon ng UAAP board regarding La Salle’s status in the UAAP.

Dalawa lang naman ang kalalabasan nyan–either may La Salle sa 2006 UAAP season o wala at sa lahat ng events ay wala na munang La Salle.

Isang letter writer ang nag-email sa amin at advise niya sa UAAP board eh huwag magpadalos-dalos sa desisyon nila.

"Walang kuwenta ang UAAP kapag walang La Salle. Kaya dapat huwag mawala ang La Salle at huwag silang masuspinde" sabi ng email writer na ayaw magpabuking ng pangalan niya.

"Ang kasalanan ng dalawa o tatlo o kahit lima ay hindi dapat maging kasalanan ng buong La Salle o ng mga athletes nito," dagdag pa niya

Oo nga naman.

* * *

Belated happy birthday to Dory Magno (ever supportive loyal fan ni Boybits Victoria).