Montaña muling nakisosyo

Muling nakisalo ang Montaña Pawnshop sa liderato nang kanilang kubrahin ang ikatlong sunod na panalo matapos igupo ang Magnolia Spinners, 6860 sa pagdalaw ng 2006 PBL Unity Cup sa Olivares College Sports Center sa Parañaque kahapon.

Pinangunahan ng 6’4 na si Al Magpayo ang Jewels sa pagkamada ng 22puntos, anim na rebounds at dalawang assists upang muli nilang saluhan ang defending champion na Rain or Shine na walang laro ngayon, sa liderato na katabla nila sa malinis na 30 kartada.

Sa unang laro, matapos ang dalawang sunod na kabiguan, natikman na ng bagong saltang TeleTech Titans ang kanilang kaunaunahang panalo sa PBL matapos ang comefrombehind na 7869 panalo laban sa Granny Goose.

Pinangunahan ni Ariel Capus ang Titans sa pagkamada ng 20puntos upang ipalasap sa Tortillos ang ikalawang talo sa tatlong laro.

Ang Magnolia, Snackmasters at ang TeleTech ay may magkakatulad na 12 winloss slate. (Carmela Ochoa)