Kumpleto na ang 24 team na tutungo sa Boracay

Kumpleto na ang cast ng 24-teams na magkikita-kita sa Boracay para sa final leg ng Nestea Beach Volleyball sa pagtatapos ng tatlong regional qualifying round kahapon sa La Salle Green Hills sand court.

Pinangunahan ng first timer na Capitol University pairn ina Rolex Cubillas at Jose Carlos Cagadas ng Cagayan de Oro City ang pagmartsa ng apat na teams ng Visayas division na naka-rating sa semifinals na gaganapin sa May 4-6 sa Boracay Islands.

Nakasiguro ng semifinal slot ang Capitol duo na dati nang naglalaro ng indoor volleyball ngunit ngayon lamang sinubukan ang beach volleyball, matapos itala ang ikalawang panalo sa tatlong matches nang kanilang igupo ang runner-up ng nakaraang taon na University of Mindanao Tagum (UMT), 25-19.

Natalo ang Capitol U sa kanilang unang match laban sa University of Mindanao Davao, 25-21, ngunit naka-bawi sila sa Holy Cross of Davao College para maitak-da ang pakikipagsagupa sa UMT na nanalo naman sa Holy Cross of Davao College, 25-14 bago yumu-kod sa Mindanao State U, 25-23.

Bukod sa Capitol U, nakapasok din sa semis ang Ateneo de Davao, UMD at MSU sa men’s division kasama ang women’s divi-sion semifinalists na MSU, UMD, UMT at HCDC.

Ang mga semifinalists naman mula sa Luzon ay ang defending champion St. Benilde, FEU, Adamson at St. Francis sa men’s side, kasama ang St. Benilde, Letran, Adamson at Univer-sity of Baguio sa women’s division.

Mula sa Visayas, maka-kasama sa Boracay ang Foundation U, University of San Jose Recoletos, Univer-sity of San Carlos at Univer-sity of Negros Occ. Recole-tos sa men’s division at ang USJR, University of Visayas, University of San Agustin at University of Southern Philip-pines sa women’s. (CVO)