K padala sulngon

Magsugod na ang M. Lhuillier Kwarta Padala-Cebu sa ilang kampanya pinaagi sa pag-host sa Cebu Landmasters-Toledo sa ML Kwarta Padala Mindanao Visayas Basketball Association (MVBA) First Conference karong adlawa diha sa Cebu Coliseum.

Ang kumbati sugdan sa 5:30 sa hapon.

Si M. Lhuillier coach Raul 'Yaoy' Alcoseba, kinsa maayo kaayong mitapok sa mga beterano ug rookies nangandam karon sa ilang puwersa aron madepensahan ang pagahimuong pagpangatake sa Toledo ubos ni coach Leoncio 'Jun' Tan.

Sa Miyerkules, ang M. Lhuillier-Cebu City Jewelers mao na usab ang manulong diin ilang atakihon ang Mantawi Traders didto sa Mandaue City Sports and Cultural Center.

Lain pang mga koponan nga niapil sa MVBA Visayas mao ang Bacolod-West Negros College ug Toyota-Iloilo Warriors.

Ang MVBA Visayas action magsubay og double round robin, home-and-away format. Usa ka team ang mataktak human sa classification round.

Sa semifinals, ang No. 1 ug No. 4 mag-abot alang sa best-of-three series sa samang paagi, ang No. 2 ug No. 3 mao usab ang mag-abot sa ila usab nga kaugalingong best-of-three series.

Ang modaog sa maong duwa maoy mag-abot sa best-of-three MVBA Visayas championship.