Red Bull naghari

Human sa pipila ka seasons nga pagpangindahay, sa katapusan nakuha na gyud pagbalik sa Red Bull Barako ang kampiyonato dihang ilang gipalukapa ang Purefoods Chunkee Giants sa iskor nga 83-73 kagabii sa Game 6 sa San Mig Coffee PBA Fiesta Conference didto sa Araneta Coliseum.

Sa sinugdan, init kaayo ang gipakitang opensa sa Purefoods Chunkee Giants og gani ilang nabiyaan og halos 13 puntos ang Red Bull sa sayong bahin sa ikaduhang kwarter.

Apan ang Red Bull hinay-hinay nga mikitkit sa labaw ngadto na sa pagsikit, 47-49 sa nahabiling 5:55 sa maong gihapon nga kwarter uban na niini ang 3-point play ni import James Penny.

Tungod sa tinguha nga dili og dili na gyud makabangon ang Giants, ang Barako's padayong mipabuhagay sa ilang naglagiting nga opensa hinungdan nga nagtabla ang duwa, 51-51 ngadto na sa pagsakmit sa labaw, 56-54 pinaagi sa 3-point shot ni Lordy Tugade.

Wala pa gyud matagbaw ang Red Bull og ilang giinat ang labaw ngadto sa 8 puntos, 75-67.

Ang Red Bull sa pangulo ni Penny uban sa solidong suporta nilang Enrico Villanueva, Lordy Tugade, Mick Pennisi, Larry Fonacier ug Robinson padayong nanghasi sa korte og wala na gyud molingi hangtud nga ila gyud nga nakuha ang daog pagselyado sa kampiyonato.