Paano haharapin ng Rain or Shine ang Magnolia

Sa susunod, huwag na huwag na agad tayong maniniwala sa kagalingan ng mga rookies base sa pagkakapili sa kanila sa drafting.

Kawawa naman ang rookie na ito na pinagpapasa-pasahan na lang ng mga PBA teams.

Hindi pa man nakakapagpasikat sa team na pinagtapunan sa kanya nung nag-pick sa kanya sa drafting, heto’t ipinamimigay na naman siya.

Kapag ganyan nang ganyan, mababalisawsaw lang ang career niyan.

* * *

Yung isa pa na inakala nating magaling na magaling na rookie na nasa first round pa naman nakuha sa nakaraang drafting, hindi na natin naririnig ang pangalan.

Mukhang itatapon na rin pagkatapos ng kontrata niya.

Paano, ginawa lang pala nilang chess player ang napili nila sa drafting.

Kawawa naman...

Panay kasi ang hype nung manager....

* * *

Paano haharapin ng Rain or Shine o Welcoat team ang Magnolia na wala ang MVP ng liga na si Jojo Tangkay?

Ngayong nawalan ng isang Tangkay ang pundasyon nila sa opensa, paano ang gagawin nila ngayon?

Alamin na lang natin bukas...

* * *

Ang ka-Valentine’s date kahapon ng isang guwapo at magaling at papasikat na NCAA basketball player ay isang mayamang bading na nababaliw sa mga college players.

At take note, ipinagkakalat pa yan ni player sa mga teammates niya kaya nalaman namin.

"At least, hindi ako ang gagastos sa ka-date ako, ako ang gagastusan at may iuuwi pa ako," pagmamalaki ni player.

Oo nga naman...wais!

* * *

Magpapakasal na raw ba sina Kyla at Richie Alvarez this year?

Hindi pa raw.

Sina Mark Pingris at Danica Sotto na ba ngayon?

Mukha.

At sino raw ba ang mga players na nanliligaw kay Pauleen Luna?

Tatlo ang gustong manligaw kay Pauleen at yung isa eh may girlfriend na malapit na niyang pakasalan.

Pinauunahan na sila na kung itutuloy nila ang panliligaw, wala rin lang mangyayari.

* * *

Totoo ba, isa pa ring PBA coach ang nanganganib sa puwesto niya ngayon?

May mga kinakausap daw ang management na ibang coaches.

Hindi lang matukoy kung ngayong taon ang plano nilang magpalit ng coach o kung next year pa.

Pero nangangatog na raw si coach ngayon....