Harbour Centre vs Rain or Shine sa semis

Naitakda ng Harbour Centre ang kanilang pakikipagsagupa sa Rain or Shine sa semifinal round nang kanilang patalsikin ang Hapee-PCU, 72-64 sa quarterfinals ng 2006 PBL Heroes Cup sa San Andres Gym sa Malate, Manila kagabi.

Nagbida si Gerwin Gaco sa pagkamada ngf 15 puntos, 9 rebounds at isang assist tungo sa tagumpay ng Port Master na umokupa ng ikatlong semis slot.

Nauna rito, hinatak naman ng Montana Pawnshop sa sudden-death match ang kanilang quarterfinal match laban sa Granny Goose na may ‘twice-to-beat’ advantage matapos ang 82-73 tagumpay.

 Ang mananalo sa pagitan ng Montaña at Granny Goose ang siyang haharap sa Magnolia Ice Cream sa semifinals.

Muling magsasagupa ang Tortillos at Jewels bukas para sa sudden-death match sa San Andres gym din.