Keon may mga plano na

May plano na si National Training Director Mike Keon sakali mang hindi na siya bigyan ng contract extension ng Philippine Sports Commission (PSC).

Ayon kay Keon, muli niyang pagtutuunan ng pansin ang kanyang trabaho sa Ilocos Norte bilang sports consultant.

"I have a big stake in the regional meet next year," sabi ni Keon sa paghahanda ng Ilocos Norte sa Ilocos Regional Athletic Association (IRAA). "We have been the overall champion in the last five years and we must maintain that position."

Magtatapos ang kontrata ng dating National Director ng nagibang Project: Gintong Alay sa Disyem-bre 31 ng taong ito.

Isa lamang si Keon sa ilang consultants na kinuha ng sports commission para sa nakaraang 23rd Southeast Asian Games.

Kaagad na uuwi si Keon sa Ilocos Norte upang ihanda ang kanyang mga atleta sa 2006 IRAA.

"I want the sports development on our province to continue because I believe that someday we may discover new talents who will represent the country in the future international competitions," ani Keon.

Samantala, naniniwala naman si Keon na makaka-pag-uwi ang Team Philippines ng higit sa 10 gintong medalya para sa 15th Asian Games sa Doha, Qatar sa Disyembre ng 2006.

"If they were able to win the overall title in the last Southeast Asian Games with very short preparation, I don’t see any reason why they will not succeed in the Asian Games," wika nito. (Russell Cadayona)