Pinoy water polo lumakas ang tsansa

LOS BAñOS -- Halos nasi-siguro na ng Philippine water polo team ang pagsungkit sa silver medal makaraang igupo ang Vietnam, 13-3, sa water polo competitions ng 23rd Southeast Asian Games dito sa Trace Aquatics Center.

Maagang ipinakita ng Pinoy ang kanilang dominasyon nang agad iposte ang 4-1 abante sa first quarter na kanilang nasustina tungo sa one-sided na laban.

Ang panalo ay ikalawa ng Philippines matapos ang nakapanlulumong 6-7 kabi-guan sa Singapore noong Martes at manatili sa likuran nito sa ikalawang puwesto na may 3-1 baraha patungo sa kanilang huling laban sa torneo kontra sa  Malaysia ngayong alas-6:30 ng gabi.

Tuluyang naglaho ang ga-hiblang tsansa ng Pinoy na masungkit ang gintong me-dalya makaraang pataubin ng defending champion Singa-pore ang Thailand, 12-3.

Nagtulungan sina Roy Canete at Monsuito Pelenio na kumana ng tigatlong goals para pangunahan ang opensa ng Pilipinas habang ang de-pensa ay hinawakan ng goalie na si Allan Cesar Payawang.

Hindi pinaiskor ng Pinoy ang Vietnamese sa huling dalawang quarter bunga ng kanilang malamoog na depen-sa.

Binanderahan ni Ngoc Wan ang kanyang koponan sa naitalang dalawang goals.  (Lawrence John Villena)