Flores, Braguda masusubukan

Muling masusubok ang tibay ni Rexon Flores, ang isa sa tatlong World Boxing Organization (WBO) Asia Pacific champion na Filipino ngayon, at ang Pinay boxer na si Mel Braguda sa pakikipagharap sa magkahiwalay na kalaban sa Oktubre 30 sa Grand Flash Ballroom ng Elorde Sports Center sa Sucat, Parañaque City.

Kakasahan ni Braguda ng, Muntinlupa City, sa tatlong round sa 120 pounds limit si Ding Jin, ang kauna-unahang Chinese regis-tered woman prizefighter at magi-ging una ring Intsik na babae na kakasa sa Southeast Asia.

Nakatakda namang harapin sa main event ni WBO world No. 4 flyweight ranked na si Flores ang beteranong si Acasio Simbajon sa agarang rematch ng huli nilang laban na nauwi sa technical draw sa second round noong Agosto 27.

Ang mga laban ay inilulunsad ng top Pinoy boxing patron na si Gabriel ‘Bebot’ Elorde Jr. na siya ring promoter ng ‘Eastern Brawl,’ tampok ang makasaysayang unang laban ng Chinese prize fighter sa bansa na Zhi Lin Xia kontra sa Pinoy na si Carlito Brosas para sa bakanteng World Boxing Empire (WBE) Asia Pacific welter-weight title sa Mandaluyong Sports Complex sa Mandaluyong City.