Martinez nakasiguro rin ng bronze

Sumiguro pa ng isang bronze medal para sa Team Philippines ang light-weight na si Mitchell Martinez sa 3rd World Women’s Boxing champion-ships sa Moscow, Russia.

Nanalo sa puntos si Martinez, gold medalist sa first at third Asian Cham-pionships laban kay Teuta Cuni ng Turkey, 35-27 sa quarterfinals ng kanilang 60kgs. division bout.

Sinimulan ni Martinez ang unang round sa pamamagitan ng pagkonek-ta ng solidong left sa katawan ni Teuta para sa kanyang 5-2 kalamangan sa naturang round.

Nang makita ni Martinez na mahina na ang katawan ng Turkish, dito niya ito tinarget para manatiling kontrolado ang laban.

Gayunpaman, binigyan ng warning si Martinez sa ikatlong round na siyang dahilan ng two-point deduction ngunit hindi ito naging dahilan para tumigil ang Pinay boxer sa kanyang pananalasa tungo sa kanyang tagumpay.

Susunod na makakalaban ni Marti-nez ang isa na namang Turkish na si Tatar Gulsum sa semifinals.

Naunang sumiguro ng bronze si Gretchen Abaniel matapos manalo kay Aktop Deria ng Turkey sa pinweight division para makasulong sa semifinal round kung saan nakatakda niyang sa-gupain ang mapanganib na North Ko-rean na si Jong Ok para sa silver medal.

Matapos maka-bye sa unang round, tinalo ni Martinez ang Australian na si Erin Mcgowan sa kanyang quarterfinal bout.