Makakarating agad ang mga equipments sa tulong ng FedEx

Alinsunod sa kanilang misyon, magde-deliver ang FedEx, ang kumpanyang kilala sa kanilang mabilis at maaasahang door-to-door delivery at trucking services na susuporta din sa 23rd Southeast Asian Games.

Ipinormalisa nina Fed-Ex-Air21 president at chief operating officer Angelito Alvarez, at ni Philippine SEA Games Organizing Committee (PHILSOC) chief executive officer Jose ‘Peping’ Cojuangco ang partnership sa pagpirma ng Memorandum of Agreement (MOA) sa PICC building kahapon.

"This is our own little way of helping boost the morale and spirit of our national athletes. We don’t think they can be at par against world-class rivals if all their equipments and other training needs fail to come on time," ani Alvarez.

Hindi sinabi kung magkano ang sponsorship ngunit bahagi ng MOA ay ang paggamit ng personnel at resources ng FedEx at Air21 para sa freight, trucking, shipping at storage ng mga sports equipments.

"We really appreciate FedEx’s response to our call," ani Cojuangco. "This will help us in our effort to raise more funds to augment the organizers‚ operational and management expenses."

Kaugnay nito ang lahat ng kinakailangang equipments ng 41 sports discipline ay mas mabilis na makakarating ayon kay Freddie Mendoza, nangangasiwa sa mga equipments sa ilalim ng PHILSOC, sa tulong ng FedEx.

Na delay ang pag-o-order ng mga kagamitan dahil hindi agad naibigay ng mga National Sports Associations (NSA)s ang kanilang requirements. "Some of the NSAs have its own suppliers. But after explaining to them the real score, they quickly understood and submitted their requirements," ani Mendoza. "Simple lang naman ang sitwasyon, tax-free ang lahat ng bibilhin natin sa abroad, so why talked to the suppliers kung puwede naman tayong dumiretso sa pagbibilhan."