Velazquez TKO kay Pacquiao sa 6th round

LOS ANGELES -- Isang napaka-gandang araw para sa Philippine boxing na hindi malilimutan ng lahat nang pabagsakin ni Manny Pacquiao ang Mexicanong si Hector Velazquez sa sixth round sa Staples Center.

Ang panalong ito ang nagselyo ng tatlong panalo ng mga Pinoy pugs sa ilalim ng trainer na si Freddie Roach matapos magtagumpay sina Rey ‘Boom Boom’ Bautista at Hawaii-born Brian Viloria sa kanilang hiwalay na laban.

Ang malulutong na suntok sa mukha ni Velazquez ang ginamit ni Pacquiao na tila kabisado na ang kalaban, para pabagsakin ito sa ika-2:59 minuto ng sixth round sa pamamagitan ng left hook na nagpaluhod sa kanya sa lona.

Binilangan ni referee Lou Moret si Velazquez na pilit pang tumayo ngunit nang tanungin ito kung nais pa niyang magpatuloy ay sumagot ito ng ‘no’ kaya itinaas ni Moret ang kanyang kamay para ideklarang panalo si Pacquiao at nagsigawan ang mga taong sumuporta sa kanya na kinabibilangan ni First Gentleman Mike Arroyo.

Lamang si Pac-quiao sa tat-long jud-ges nang ihinto ang la-ban.