Mainit si Bautista

Kung meron mang mitsa sa magandang tina-takbo ngayon ng Colegio de San Juan de Letran sa kanilang kampanyang mabawi ang korona sa National Collegiate Athletics Association, ito ay si Boyet Bautista.

Sa pagkopo ng Letran Knights sa dalawang mahahalagang panalo na nagpanatili ng kanilang malinis na record sa 10-0 panalo-talo, nakasiguro na sila sa Final Four at isang panalo na lamang ang kanilang kailangan para makasiguro ng twice-to-beat incentive.

Sa 59-51 panalo ng Letran kontra sa University of Perpetual Help System DALTA noong Lunes, ipinakita ni Bautista ang kanyang consistency sa paghakot ng 5-rebounds, 6-assists at 2-steals.

Si Bautista rin ang nagbida sa 68-58 panalo kontra sa San Beda College sa pagkamada ng 17 points.

"The veteran leadership he gives to the team is very important. Kumbaga, he is the glue that sticks the team together," wika ni Letran coach Loiue Alas ukol kay Bautista na siyang napili ng NCAA Press Corps bilang Player of the Week.