Panthers nipukan sa Jaguars, Baby Lancers nidaog sab

Gibuksan sa University of Southern Philippines (USP) Panthers ang ilang kampanya sa kampiyonato pinaagi sa usa ka masipang buto human kini nidaog batok sa karibal nilang University of San Jose-Recoletos (USJ-R) Jaguars sa miaging gabii sa 2005 Cebu Schools Athletic Foundation, Inc. (CESAFI) basketball event didto sa USJ-R gym sa Brgy. Basak, ning dakbayan.

Ang Panthers ni coach Raul Latonio nipukan sa USJ-R Jaguars, 79-69, sa collegiate division, samtang ang Baby Panthers nakalingkawas sa malisud nga hagit sa Baby Jaguars aron pagposte niini og 54-52 nga kadaogan sa secondary level.

Sa lain pang bugno sa secondary match, ang defending champion University of the Visayas (UV) Baby Lancers mipakita sa ilang kaandam pagpanalipod sa ilang trono human gilubong ang Don Bosco Greywolves, 66-48.

Nahug nga usa ka tam-is nga panimalos ang nakab-ot sa Panthers gumikan kay gipilde man sila sa Jaguars sa miaging season nga maoy nakababag sa ilang tinguha nga makasud sa finals sa labing unang higayon sukad pa niadtong dekada 50.

Dominado kaayo sa Panthers ang duwa ug igo lamang nakakitkit sa laban sa Jaguars sa iskor nga 42-47 human si Luther Luke Justiniani milusad og 8-0 apil na niini ang duha ka sunod-sunod nga 3-pointers sa nahabilin nga dos minutos sa ikatulong kuwarter.

Nangu sa Panthers mao si Arletroy Mercader nga nipuntos og 16, samtang sila si Glenn Pendang ug Elvis Labares nagkumboya og 27 puntos.

Si Justiniani maoy nangulo sa pilderong Jaguars sa iyang 19 puntos, samtang sila si Herbert Arellano ug Raymond Moconocido miamot og 13 ug 12 puntos. Puntos matag usa Unang duwa: (secondary) UV (66)

Mercader 19, Avila 12, Cañada 11, Pitogo 8, Avila 5, Lao 4, Heruela 4, Funetes 4, Belocura 3, Cabahug 3. Don Bosco (48)

Acha 13, Enterina 11, Villamor 7, Suarez 4, Vender 4, Parilla 3, Ybañez 3, Bosque 2, Tangarorang 2.
Ikaduhang duwa:
(secondary)
USP (54)

Hermosa 15, Muñez 15 Ferraren 14, Dysam 5, Ybañez 4, Aligno 4, Cabatingan 3, Sabillo 2. USJ-R (52)

Lapiz 14, Abing 10, Yballe 7, Andoy 5, Cristan 4, Alasa-as 3, Caparros 2, Manalili 2.
Ikatulong duwa:
(collegiate)
USP (76)

Mercader 16, Pendang 14, Labares 13, Bartolabac 9, Travero 8, Colonia 7, Ceniza 2, Geraldez 2, Belande 2,
Gallarde 2.
USJ-R (69)

Justiniani 19, Arellano 13, Maconocido 12, Gonzales 9, Ponce 7, Carilla 4, Gudez 2, Pogoy 2, Malinao 2, Hatague 2. - Emmanuel B. Villaruel