Cushion caroms

0921-5882645: "Usa ko sa tigbasahan sa imong lindog. Palihog kog publish sa rules sa cushion caroms. Thanks."

Daghang salamat sa imong text. Alang kanimo og aron masayran usab sa ubang mga magbabasa niining lindog, akong ipatik ang mga lagda ug sumbanan sa pagdula sa variation sa billiards nga cushion caroms.

* * *

Ang cushion caroms migamit usab sa general rules sa carom billiards. Aduna hinuo'y pipila ka additional rules sa maong dula nga maoy nakapalahi sa maong variation sa plain nga carom billiards. Puydeng duha apan mahimo usab nga tulo ka magdudula ang magsangka o modula niini. Ang mga bolang gamiton mao ang standard set sa one white clear, one white spot ug one red. Ang tumong sa dula mao ang pagkamada og score hangtod sa gikasabotan nga kahumanan sa dula. Sa mga tournament play, kasagaran 30 ngadto sa 60 ra kutob ang score. Apan depende ra lagi kana sa kasabotan sa mga magdudula. Kinahanglan nga ang mga magdudula magsabot kon asa kutob ang ilang score nga daogan sa dili pa sugdan ang dula. Ang matag legal shot isipong score nga one point alang sa nagtira. Apan kon ang pagpahigayon sa tayada nakalapas sa bisan hain sa mga lagda (general rules) sa carom billiards, ang bola nga nasulod sa pocket sa maong pagtira dili isipon nga score sa nagtira.

* * *

Sa opening break, maoy gigamit sa cushion caroms ang general rules sa carom billiards. Sa tanang mga tayada, kinahanglan nga ang magdudula makahimo sa pagpa-contact sa bolamano ngadto sa usa o duha ka cushions. Ang kapakyas sa paghimo niini usa ka violation. Hangtod nga ang magdudula makahimo og legal counting strokes, makapadayon pa siya sa pagtira sa ibabaw sa lamesa. Kon ang magdudula makahimog foul, ang iyang score kuhaan og one point.

* * *

(For comments and suggestions text at 0910-8105522 o mag-email sa [email protected])