Si Pacquiao makigharong sa Meksikanong si Hector Velasquez, samtang si Morales makigsangka ni kanhi Olympian Zahir Raheem. Kun modaog silang Pacquiao ug Morales, mag-abot sila sa gi-paabot nga "rematch" karong Disyembre 2005 o dili ba unya sa Enero 2006.
"It's definite. Bautista will fight for eight rounds in the undercard of the Pacquiao-Morales double-header on September 10," matud pa ni boxing patron Antonio 'Bidoy' L. Aldeguer, ang manedyer ni Bautista.
Dili pa hinuon final ang tanan kabahin sa kontra ni Bautista, apan si Aldeguer mibutyag nga posibleng sangkaon sa kasamtangang WBO Asia-Pacific bantamweight champion mao si one-time world challenger Gerardo 'Locomotora' Espinoza nga taga Tijuana, Mexico.
"It's not yet confirmed, but Bautista will probably fight against Gerardo Espinoza, a Mexican," sumala pang Aldeguer.
Ang kanhi WBO North America Boxing Organization super bantamweight champion nga si Espinoza, nagbitbit og 28-8 win-loss record, uban ang 26KOs.
Misuway sab siya og ilog sa WBO bantamweight title, apan napakyas kini human gipalukapa sa ikasiyam nga hugna sa kadugo ra sab niining Meksikano nga si Cruz Carbajal niadtong Oktubre 2003 didto sa Mandalay Bay Casino sa Las Vegas.
Sa laing bahin, si Bautista kasamtangan karong nagbansay-bansay ubos ni Freddie Roach didto sa Wild Card Gym sa Hollywood, California.
Si Bautista orihinal untang mo-away karong Agosto 19 didto sa Stockton Ballpark sa Stockton, California apan gikanselar kini ni Aldeguer aron ilikay ang iyang batos nga ma-injured nga posible unyang makababag sa mas daku nga away karong Septiyembre 10.