CBL 2005 sugdan na

Ang tinuig nga liga sa Cuanos, Minglanilla,Cebu buksan na karong adlawa sa alas dos sa hapon diha sa Cuanos Sports Square.

Ang maong kalihukan naumol ubos sa paningkamot nila ni sports commissioner Desiderio Manayon, SK chairman Raymond Obcial , finance committee Roel Labrador ug sa tanang opisyales sa maong barrio.

Ang Cuanos Basketball League 2005 gisalmotan og napulo ka mga koponan ug gibahin kini sa duha ka brackets -- bracket A ug bracket B.

Ang bracket A gilangkuban sa Pogon, Cuanos Drivers, Cuanos SK, Cebu Ore Mining ug Sliders Canluntao teams.

Samtang sa bracket B mao ang Cotton Village Glass Gunners, Proper Cuanos, SSR, Pitogo, ug ang Banggaan teams.

Ang mga duwa himuon matag adlaw'ng Sabado ug Domingo.