"Mr. Perfect Body 2005" iphahigayon karong Hulyo 30

Daku na sab nga oportunidad alang sa mga maskulados nga ilang maipakita ang ilang tigson ug bug-os nga lawas ug kaanindot sa porma sa ilang mga braso sa ipahigayong D' Perfect Body Club Annual Search for "Mr. Perfect Body 2005" karong Hulyo 30 diha sa Gaisano Main Food Square.

Kining maong torneyo maoy pinakangilngig nga bodybuilding competition dinhi sa Sugbu.

Ang makampiyon makadawat og P3,000, tropeyo ug gift certificate.

Ang 1st runner-up makadawat og P2 mil ug gift certificate ug ang 2nd runner-up hatagan og usa ka libo ka pesos ug gift certificate.

Ang top 6 ning paindigay sa lawas makadawat usab og medalya matag-usa.

Ang maong kompetisyon gisuportahan ni Ms. Rose Gaisano, Gaisano Main, ug Gaisano Country Mall.