Iginupo ni Rico Diks ng Netherlands si Pagulayan 5-4 sa Group 1 habang yumuko naman si Reyes kay Kang Chin Ching ng Chinese-Taipei, 3-5 sa Group 4 sa Kaohsiung Business Exhibition Center.
Hawak ng 27 anyos na si Pagulayan ang 4-1 bentahe ngunit hinayaang makabangon si Diks tungo sa tagumpay.
Ang Pinoy champion, na kumatawan sa Canada noong nakaraang taon, ay may maganda na sanang pagkakataon na isara ang laban sa ikaanim na rack nang hindi pumasok ang two-ball sa corner pocket na nagbigay daan sa Dutch na malinis ang naturang rack.
Isa pang Pinoy ang lumasap ng unang araw na kabiguan nang gapiin ng Taiwanese at 2005 San Miguel Asian 9-Ball Tour overall champion na si Yang Ching Shun si Rodolfo Luat, 5-1 sa Group 2.
Kasalukuyan namang nakikipaglaban pa sina Francisco ‘Django’ Bustamante, Ronnie Alcano, Gandy Valle, Marlon Manalo, Dennis Orcullo, Warren Kiamco at Antonio Lining habang sinusulat ang balitang ito.
Bagamat talo, may tsansa pa sina Pagulayan at Reyes na umabante sa round of 64, Kailangan lamang nilang makasama sa top four ng kani-kanilang gru-po para umusad sa knockout phase na magsisimula sa Miyerkules sa nine-day event na inor-ganisa ng Match Room at ipinalalabas sa ESPN.