Peñalosa sabik sa kanyang laban

Nananabik si dating WBC super flyweight champion Gerry Peñalosa sa kanyang nakatakdang laban sa Agosto 20 sa Chicago, ang mis-mong card na tinatampukan ng title eliminator sa pagitan nina Fernando Vargas at Javier Castillejo at ang mandatory na pag-depensa ni WBC feather-weight champion Injin Chi sa pangunahing contender na si Rocky Juarez.

Si Peñalosa na bumalik sa Manila matapos ang training kay Buddy McGirt sa Orlando, Florida at sa pamosong cutman na si Lenny de Jesus ay nag-sabing malaki ang kanyang nabenepisyo sa training na ito.

"It was a great experience," masayang pahayag ni Peñalosa.

Nagpahayag ng indikasyon si Peñalosa na gumawa ng sakripisyo sa Florida ngunit mas gi-nusto sa New York dahil sa ilang ka-ispar niya, di tulad sa Florida na kokonti lamang ang makaka-ispar niya.

Ayon kay Peñalosa, siya ay nasa wastong porma at handa para sa kung anumang sakripisyo pa ang darating para lamang maging kampeon uli.