Ang usa ka bilyarista makahimo og milagro sa bisan unsang higayon. Dili mahimong i-underestimate ang katakos sa usa ka bilyarista tungod kay bisan unsang orasa mahimo siyang magmugna og dili -- katuohan nga pagdaog. Kini gipamatud-an ni Ronato "Ronnie" Alcano sa dihang iyang gisungkit ang titulo sa kampiyonato sa ikaupat nga yugto sa San Miguel Beer Asian 9-Ball Tour nga gipahigayon didto sa kaulohan dili pa lang dugay. Mao kadto ang labing unang pagsulod ni Alcano sa finals sa nahisotang torneyo ug debuynas kaayo nga siya gayod ang migulang kampiyon sa iyang first finals appearance. Daghan ang wala magdahom nga si Alcano ang mahimong kompiyon sa fourth leg sa SMB 9-Ball Tour.
May katungod hinuon si Alcano sa pagsagpo sa maong titulo. Sa laing pagkasulti, deserving siya sa titulo sa kampiyonato nga iyang naangkon. For the record, siya ang 2002 Rookie of the Year (Roy) sa billiard website nga Azbilliards.com. Usa siya sa labing masaaron nga bilyarista sa atong nasud. Ug karon gipamatud-an na gayod ni Alcano nga mahimo siyang kampiyon sa bisan unsang higayon basta makasul-ip lang siyag maayong kahigayonan. Ug natinuod sab ang bahad sa mga Pinoy billiard players nga dili sila magpakauwaw sa kaugalingon nilang nataran pinaagi sa pagpilde sa mga langyaw'ng magdudula nga misalmot sa torneyo. Wala man tuod makuha sa mga top seed nga sila si Efren 'Bata' Reyes ug Francisco 'Django' Bustamante ang titulo apan didto kini nahipunta ni Alcano.
Sa kadaogan ni Alcano, angay gayod maghimog dakong selebrasyon ang mga Pinoy billiard player. Sila ang nangharos sa upat ka yugto nga SMB Asian 9-Ball Tour. Tulo sa upat ka titulo sa kampiyonato ang nakuha sa mga bilyaristang Pinoy. Si Gande Valle maoy nakakuha sa titulo sa first leg sa 9-Ball tour nga gipahigayon didto sa Singapore. Si Reyes usab ang nagkampiyon sa Jakarta leg ug si Alcano ang naghari sa Manila leg. Ang third leg ray gidemalas ang mga Pinoy kay ingon sa napapas sila sa esena ug maoy naghari ang Taiwanese player nga si Yang Ching Shun diin ang torneyo didto sab gipahigayon sa Taiwan.
(For comments and suggestions text at 0910-8105522 o mag-email sa
cuetime_banat@yahoo.com)