Ang mga gipasidunggan mao ang grupo sa Talisay City Swimming Team kinsa nahimong second runner-up atol sa gipahigayong age group novice meet swimming competition niadtong petsa kwatro niining buwana.
Ang nahisgutang duwa didto gipahigayon sa Cebu City Aquatic Sports Center niining dakbayan.
Ang nahisgutang mga atleta sa langoy mao sila si Clyde Hervas, Philip Rabago, Odisa Largo, Kristie Celedio, Mary Valerie Remolino, John Luigi Remolino ug Michael Louie Remolino.
Si Hervas nakakuha og gold medals sa 50 meter free style, 100 meter free style, 50 meter butterfly og sa 50 meter breast stroke sa 9-10 boys.
Ang naulahi nakadawat usab og award nga outstanding swimmer atol sa nahisgutang duwa.
Si Rabago nakakuha og silver medal sa 50 meter back stroke sa 9-10 boys, sa 11-12 girls si Largo nakakuha og bronze medal sa 100 meter individual medley (IM) og gold medal sa 50 meter back stroke ug si Celedio nakakuha og bronze medal sa 50 meter free style.
Si Mary Valerie nakakuha og bronze medal sa 50 meters breast stroke sa 9-10 girls, sa 9-10 boys si John Luigi maoy bronze medallist sa 50 meters breast stroke og sa 11-12 boys si Michael Louie maoy gold medallist sa 50 meters breast stroke.
Sa laing bahin usab si Clifford John Bonjoc 17 anyos atleta sa discus throw gipasidunggan usab sa kagamhanan sa siyudad sa paghatag usab og dungog niini sa dakbayan.
Si Bonjoc maoy ni break sa 16 na ka tuig nga gihuptan nga record ni Tomas Yutuc sa discus throw nga 37.16 meters nga gilay-on sa paglabay sa disc niadtong 1989.
Diin sa gipahigayon nga Palarong Pambansa niining tuiga didto sa dakbayan sa Iloilo si Bonjoc mikuha og 41.62 meters nga gilay-on sa paglabay sa disc sa Secondary Discus Throw.
Si Mayor Socrates Fernandez, konsehal Rodolfo Cabigas chairman sa committee games and amusements and professional sports ug Jo Florence Bas presidente sa SK federation maoy mihatag sa nahisgutang pasidungog ngadto sa mga atleta.