At ang mga gintong medalya na ‘yun ang nagpasaya kay host Mayor Edward Hagedorn dahil nakita niya ang bunga ng kanyang pinaghirapan na maaring magbigay ng magandang kinabukasan sa sports sa nalalapit na 23rd Southeast Asian Games na iho-host ng bansa.
Ang gintong medalya-- dalawa mula sa anim na nakata-ya sa torneo – ay galing sa Puerto Princesa at sariling women’s team ni Hagedorn ang Philippine-A at Manila-based men’s Philippine-B sa hoop event – ang event kung saan ang limang players ay sisipa ng takraw sa tatlong hoop sa ere na bawat papasok sa goal ay katumbas ng 10 points sa 15 minute period.
At ang ginintuang bunga na ito ay dagdag pa sa silver medals ng Philippine teams para sa 2-golds, 2-silvers ng bansa may isang araw pa ng kompetisyon ang nalalabi sa isang linggong pre-SEA Games event na inorganisa ng Philippine Amateur Sepak Takraw Association (PASTA) at suportado ni Hagedorn at ng city government ng Puerto Princesa.