Memorable Game

Masaya naman daw ag naging resulta ng ‘PBA Greatest Game’ para sa mga involved na players.

Well, for sure para doon sa mga players na matagal nang hindi nakakasama ang kanilang mga dating-kateammate ay punum-puno ng alaala ito para sa kanila.

Tulad nina Alan Caidic, Hector Calma at Samboy Lim, Mon Fernandez, Manny Paner, Atoy Co, Bogs Adornado at Philip Cesar, eh talagang masaya ito. Kasi sa totoo lang masaya naman talaga ang PBA noong time nila. At ‘yun ay matagal na.

Kahit na noong time nina Alvin Patrimonio, Ronnie Magsa-noc, Benjie Paras, Ato Agustin at Johnny Abarrientos ay masaya pa rin. Noon ‘yun kasi ngayon, matamlay na matamlay ang PBA.

Ano kaya ang problema?

* * *

Tinanghal na MVP si Allan Caidic sa naturang Greatest Game. At masasabi namang deserving siya dito. Pero marami ang nakapagsabi sa akin na talagang mahusay si Allan ng gabing iyon. At hindi lang siya maging si Samboy Lim ay parang dating Samboy Lim pa rin. Mahaba pa rin ang medyas niya at kinapitan pa rin ng injury.

Pero at least enjoy sila at memorable para sa kanila ito.

* * *

Pinakama-ugong pa rin ang pagtanggap kay Robert Jaworski lalo na ng iluklok ito sa PBA Hall of Fame.

Di kaya senyales ito na tanggap si Jawo sakaling magkatotoo ang tsismis na siya ang papalit na PBA commissioner?

O well, nababagay naman talaga si Jawo sa pagiging PBA commissioner kasi dito na halos niya ibinuhos ang karamihan ng kanyang panahon at dito siya sumikat at nakilala. Alam na rin ni Jawo ang in and out ng PBA.

So palagay ko mas bagay siyang maging PBA commissioner. Baka sakaling muling mabuhay ang lumalamyang kulay ng unang professional league sa Asya.

* * *

Gaano kaya ka-totoo na ni hindi man lang nagpadala ng imbitasyon para sa PBA Greatest Game o Cheers for the Years ang PBA kay dating commissioner Jun Bernardino?

Bakit?

May sama kaya ng loob si PBA commissioner Noli Eala kay Bernardino?

Nagtatanong lang po.