Philippine STAR cagers sali sa Burlington Friendship Cup

Lalahok ang Philippine STAR, ang nangungunang broadsheet sa bansa sa pagbubukas ng fourth season ng Burlington Friendship Cup--ang cage tournament para sa mga sports-minded companies sa Mayo 15 sa Philippine Buddhacare Academy Gym sa Quezon City.

"We expect to have a more exciting tournament this 2005 with the Phil. Star, a force in media cage events in the past, joining us," wika ni Ruddy Tan ng sponsoring firm Burlington na siya ring sumuporta sa RP Youth squad na nagbulsa ng SEABA 18 and under title noong 2004.

Ang pananaw na ito ni Tan ay sinegundahan naman ni Commissioner Eusebio ‘Boy’ Ong na pinatungkulan ang partisipasyon ng bagitong Wilcon Builder, na kamakailan lang ay nagkampeon sa commercial league at ang presensiya ng defending champion GNC kung saan umabot na sa 10 teams ang maglalaban-laban.

Ang iba pang koponan sa TEAMSPORTS-organized event ay ang Memory Magic, Shocks XT, LA Gear, Chloe Lightning, LLQC-Trogs at Amigo Steel at Monica Publishing.