National judokas bumandera sa Philippine National Individual Judo Championship

CEBU CITY--Binanderahan ng mga miyembro ng national team, dinomina ng Zamboanga ang opening day ng Philippine National Individual Judo Championships matapos na manalo ng tatlo mula sa walong gintong medalya na pinaglabanan noong Biyernes ng gabi sa University of San Carlos Gymnasium dito.

Umibabaw sina National players Franco Teves, Daniel Pedro at Aristotle Lucero sa kani-kanilang weight categories upang ibigay sa Zamboanga ang ginto na nanalo rin ng dalawang silvers at limang bronzes sa panimula ng tatlong araw na tournament na magsisilbing qualifying event para sa nalalpit na Southeast Asian Games.

Ginapi ni Teves, bronze me-dalist sa 2003 Vietnam SEA Games ang kapwa niya national na si Oliver Franco sa final ng men’s 55kg-below category.

Namayani naman si Pedro, Vietnam SEAG bronze winner, kay Jones Lanuza sa men’s 60kg class. Sina Dempsey Depayso at Ricky Palancos ang nag-bronze.

Ang ikatlong gold ng Zam-boanga ay mula sa men’s 66kgs class na ibinigay ni Lucero, Viet-nam SEAG silver medalist at ang mga bronzes ay napunta kina Samson Bernales ng Dela Salle University at Randy Gambong ng Davao.

Ang iba pang RP team mem-bers na nakakuha ng ginto ay sina Gilbert Ramirez na nanguna sa men’s 73kg class; Esli Gay Liwanen, na nagdomina sa wo-men’s 63kg; Solomon, na nagwagi naman sa women’s 70kg at Ruth Dugaduga (women’s 78kgs).

Isinubi naman ni Alien Relampagos ang gold sa men’s 100kg-and-above category.