PBL Open Championship: Bacchus walang lakas sa Montana

Muling pinatunayan ng PBL Open Championship champion Montana ang kanilang galing nang kanilang igupo ang Bacchus Energy Drink, 74-58 sa PBL Unity Cup kahapon sa Makati Coliseum.

Humataw sa 4th quarter ang Jewels upang makapagpundar ng kani-lang kalamangan para itala ang kanilang ikalawang sunod na panalo matapos mamayani sa Harbour Centre noong opening day.

Namayagpag sa ere si Alex Compton nang umiskor ito ng kabuuang 16 points para sa Jewels na hindi na makakaasa pa kay Al Magpayo sa buong season matapos mabalian ng buto sa kamay.

Bukod kay Compton humataw din sa naturang laro sina Al Vergara na nagtala ng 13-puntos upang ipalasap sa Bacchus ang ikalawang sunod na talo.

Mula sa 34-36 pagkakalapit ng iskor sa ikatlong quarter, humataw ng 16-3 produksiyon ang Monta-na upang agawin ang 50-43 kalamangan sa ikaapat na quarter.

Sa pagkakataong ito umayon sa Harbour Centre ang magandang ihip nang hangin nang ipasok ni Mark Cardona ang dalawang panigurong free throw shots para sa 69-65 panalo laban sa Granny Goose Kornets sa ikalawang laro. (Ulat ni M.Beguiras)