Spring Cooking Oil-NBC basketball series: Taguig, Parañaque nagparamdam

Gumawa ang tropa ni Mayor Freddie Tinga na Forward Taguig ng isang come-from-behind na panalo nang kanilang walisin ang Laguna Spring, 87-84, habang pinigilan naman ng koponan ni Vice Mayor at actor/TV host Anjo Yllana na Parañaque Jets ang Cavite Insurers, 87-80 noong Martes sa panimula ng Spring Cooking Oil-NBC pre-season basketball series sa Rizal Memorial Colisuem.

Nilimita ng Taguig cagers ang Spring, 29-13 sa final quarter upang burahin ang 12-point deficit sa bungad pa lamang ng unang yugto.

Naging mainit agad ang Insurers ni Bacoor Vice Mayor Edwin Malvar sa simula ng labanan nang kunin ang 23-15 kalamangan laban sa Jets na ipinarada ang ex-pro na si Bong Alvarez.

Subalit nagsanib ang lakas nina Alex Bognot, Jhayson Alminario at Larry Rodrguez na siyang sinandalan ng Jets sa kanilang pag-ahon at kunin ang 39-37 pangunguna sa halftime bago umabante rin sila sa 58-54 sa huling minuto ng maiinit na laro.