6-man RP pugs nasa Azerbaijan

Umalis kahapon ang anim kataong miyembro ng Amateur Boxing Association of the Philippines (ABAP) patungong Baku, Azerbaijan upang lumahok sa Dr. A. Chowdhry Cup 2005.

Ang koponan na pinamumunuan ni dating Mayor Ludovico Badoy at gigiyahan ni Alexander Arroyo at Ronald Chavez ay binubuo nina Lhyven Salazar, Franklin Albia, Joan Tipon, Junard Ladon, Anthony Marcial at Mark Jason Melligen. Kasama din sa koponan si referee/judge Teodoro Darcito.

Ang paglahok ng kopo-nan dito ay suportado ng First Gentleman Sports Founda-tion, Philippine Sports Commission at Pacific Heights, at bahagi ng build-up program ng ABAP sa nalalapit na Southeast Asian Games na iho-host ng bansa.

Ang Azerbaijan event na nakatakda ng Marso 22-28 ay isang world-ranking tournament.

Sinabi ni ABAP president Manny Lopez na ang resulta ng events ay ibibilang sa deliberasyon ng National coaching staff na bubuo ng RP team sa SEA Games.