M. Lhuillier silat sa Lactovitale

Ginampanan ng Lactovi-tale-Cebu Province Probiotics ang papel ni David matapos magtala ng malaking panalo kontra sa Goliath na M. Lhuillier-Cebu City Jewelers, 90-79, sa pagpapatuloy ng United Regional Basketball League sa New Cebu City Coliseum.

Nanguna si Reuben Dela Rosa sa pagkamada ng 24 na naging susi sa breakaway para makabangon sa five-game losing streak ng Probiotics at magkaroon ng tsansa sa semi-finals habang nasira naman ang seven-game winning streak ng Jewelers sa tourna-ment na ito na sponsored ng Lactovitale at adidas.

Naapektuhan ang M. Lhuil-lier-Cebu City sa pagkawala ng top scoring leader na si James Laygo bunga ng injury na sinikap lukuban nina Bong Marata at Woodraw Enriquez ngunit nasapawan ito ng eksplosibong laro ni Dela Rosa para sa Lactovitale-Cebu Province na umabante ng 20-puntos ng dalawang beses, 33-13, at ang huli ay sa 44-24 sa third period.

Sinikap nina Leo Bat-og at Leode Garcia ang isang mala-king run para magbanta ang Jewelers sa 71-79, 4:34 na la-mang ngunit isinelyo ng Pro-biotics ang panalo sa pama-magitan ng 11-4 closing salvo na pinangunahan ni Gilbert Castillo.

Tangka naman ng Ilocos Sur Snipers na makabangon sa pakikipagharap sa Quezon Coco Huskers sa alas-5:00 ng hapon sa Santo Domingo Peo-ple’s Center.