Kumamada ng 17 puntos ang Letran Knights sa ikaapat na quarter at nilimitahan naman nila ang Paint Masters sa pitong puntos upang tuluyang makawala sa mahigpit na hamon ng kalaban.
Nagpasiklab ang rookie Fil-Am player ng Paint Masters na si Anthony Washington sa pagposte ng double-double performance ngu-nit nauwi ito sa wala dahil sa kakulangan ng suporta mula sa kanyang mga kasama.
Nagtala ang six-foot-seven na si Washington ng 19-puntos at 12-rebounds ngunit siya lamang ang tumapos ng double digit sa Welcoat, habang naging pantay naman ang distribusyon ng puntos sa panig ng Letran.
Nauna rito, isang ma-kulay na seremonya ang ginanap kung saan panauhing pandangal ang Olympic veteran na si Tony Rivero ng taekwondo at ang nagdeklara ng pormal na pagbubukas ng torneo ay ang PBL chairman na si Raymund Yu ng Welcoat.
Sa ikalawang laro, umabot sa double over-time ang laban ng Mon-tana at Magnolia bago naisubi ng Wizards ang 82-75 panalo laban sa Jewelers. (Ulat ni CVO)