Xavier silat sa Philippine Chen Kuang HS3:30 pm - St. John’s Academy vs. Aquinas School

Sa kauna-unahang pagka-kataon ay pinalasap ng pagka-talo ng Philippine Chen Kuang High School ang Xavier School 63-58 upang makuha ang solo liderato na may 3-0 karta sa 3rd San Juan Inter-High School Basketball tournament sa San Juan Gym.

Ito ang unang pagkabigo ng Xavier School sa tatlong taong partisipasyon sa tor-neong inorganisa ni dating PSC Commissioner at ngayon ay San Juan Vice-Mayor na si Leonardo "Boy" Celles.

Dahil dito’y bumagsak sa four-way tie para sa ikalawang puwesto ang Xavier School kasama ang San Juan Na-tional High, St. John’s Aca-demy at Florida Institute na pawang may 2-1 records.

Naungusan ng San Juan National High ang Roosevelt College sa double overtime, 90-85; sinilat ng Florida Ins-titute ang OB Montessori, 53-52 samantalang tinambakan ng St. John’s Academy ang Tabernacle of Faith, 71-33.

Ang Phil. Chen Kuang, na hawak ni coach Alex Austria, ay pinangunahan ni Clint Kho na may 20 puntos. Bukod sa kanya, tatlong iba pang ka-kampi ang nagtapos nang may double figures sa scoring. Si Alexander Laurel ay may 13 samantalang sina Daniel Labordo at Christian Louie Laxamana ay may tig-11 puntos.