Growee Hoop School October camps sa Meralco at Aquinas gym

Sariwa pa sa matagumpay na pagdaraos ng first Jr. NBA at Jr. WNBA 3-on-3 basketball tournament na ginanap sa SM Megamall noong NBA Madness Tour ng Los Angeles Lakers girls, inihayag ng Growee Hoop School ang registration para sa October camps.

Ang HOOPS na itinatag nina dating PBL commissioner Charlie Favis at seven-time Best Import awardee Bobby Parks, ay gaganapin sa Meralco Gym sa Oct. 10-Nov. 21, tuwing Linggo, alas-3 hanggang alas-5 ng hapon at sa Aquinas Gym, tuwing Sabado mula, Oct. 2-Nov. 6, ganap na alas-10 ng umaga hanggang alas-12 ng tanghali.

Pinaplantsa na rin ang HOOPS sa NCBA, Miriam College, Poveda at iba pang paaralan sa Metro Manila. At may on-going HOOPS camps sa Maymount School sa Parañaque at TD & S Hope Christian Academy sa Fairview.

Kabilang sa HOOPS Programs ang Basic 1 & 2 Program, Intermediate 1 & 2, at Advance 1 & 2. At may registration fee na P1,500 kada enrollee, kung saan ang lahat ng partisipante ay mag-uuwi ng libreng basketball gear tulad ng basketball, shirt, knapsack bag, squirt bottle, VCD, basketball workbook, Growee vitamins, sports socks, ID card, at certificate of completion.

Para sa katanungan, tumawag sa 687-4364, 687-2025, at 688-0167, o magrehistro deretso sa HOOPS Offices, at Unit 912 at 904, City & Land Megaplaza Bldg., ADB Avenue cor. Garnet Road, Ortigas Center, Pasig City.