Magpantay panalo sa Beam Patakbo

Isang segundo lang ang inilamang ni Dennis Magpantay sa pumapangalawang si Julius Bucalbas upang maiuwi ang 5-km na korona sa men’s class habang nagkampeon naman si Jocelyn Portem sa mga kababaihan sa Beam Zest-O Patakbong Pinoy kahapon sa Fort Bonifacio, Makati City.

 Naorasan si Magpantay ng 17 minuto at isang segundo habang pumangatlo naman si Eduardo Noriega (17:04) upang makuha ang mga papremyo mula sa Beam Toothpaste at Zest-O Juice Drinks.

Umabot si  Portem  sa finish line sa oras na 23 minuto at apat na segundo sa karerang ito na sinalihan ng mahigit sa 1,500 na estudyante. Magkatulong sa leg na  ito ang Media Runners and Sports Promotions kasama sina Prof. Jose Eviza, Physical Education Recreation Sports Development Center (PERSDC) director at Dr. Edita Chan, vice president for academic affairs ng University of Makati.