‘Yan ay kung magtatagumpay sila laban sa magkahiwalay na kalaban ngayon sa Rizal Memorial Coliseum.
Ang Jose Rizal University ang makakalaban ng CSJL Knights sa unang seniors game, alas-2 ng hapon pag-katapos ng sagupaan ng kanilang junior counterparts na sisimulan sa alas-11:30 ng umaga.
Ang bokya pa ring College of St. Benilde naman ang asignment ng SSCR Stags sa tampok na laro sa dakong alas-4 ng hapon na susundan ng sagupaan ng kanilang juunior counterparts sa bandang alas-6 ng gabi.
Magkakaroon na ng kasosyo sa liderato ang host University of Perpetual Help Rizal na matagal na nagsolo sa pamumuno kung magtatagumpay ngayon ang Letran at San Sebastian.
Parehong may 5-3 record ang Kights at Stags na nasa likod lamang ng UPHDS Altas na may 6-3 record habang ang mga walang laro ngayong Ma-pua Institute of Technology, San Beda College at Philippine Christian University ay may 5-4 kartada.
Bagamat pinapabo-rang manalo ang Baste na galing sa back-to-back wins, magiging mapanganib sa kanila ang kulelat na CSB Blazers na gigil na gigil nang matikman ang kanilang kauna-unahang panalo matapos mabigo sa unang walong laban na siyang dahilan ng kanilang pagkakabaon sa pangungulelat.
Kinaikailangan ding mag-ingat ang Knights kontra sa JRU Heavy Bombers na siguradong pursigidong iangat ang kanilang posisyon. (Ulat ni CVOchoa)